I’m Qazaxman in New York

Daha öncə AZAL-ın Bakı-Nyu york uçuşunun necə keçdiyi haqqında danışmışdım. Bu dəfə isə bu möhtəşəm şəhər haqqında danışacam. Kennedi aeroportundan şəhərə getmək üçün ən rahat vasitə əlbəttə ki, taksidir, amma AirTrainlə də mərkəzə gedə bilərsiniz. AirTrain dirəklər üzərində hündürdə gedən, avtomatik idarə olunan qatardır. Jamaica stansiyasına kimi gedir. AirTrain ödənişini Jamaicada edirsiniz, bir nəfər 5 dollardır. Jamaicadan isə qatarla istədiyiniz metroya, daha sonra metro ilə Nyu Yorkun demək olar ki, bütün nöqtələrinə çata bilərsiniz. 457 metro stansiyası var Nyu Yorkun, çox geniş şəbəkədir. Bir gediş 2.75 dollardır. Ümumiyyətlə Nyu Yorkda bir yerdən başqa yerə ictimai nəqliyyatla getməyin yollarını öyrənmək və qiymətini hesablamaq üçün http://tripplanner.mta.info linkindən istifadə edə bilərsiniz. Buna əsasən bilərsiniz ki, ictimai nəqliyyat sərf edir, yoxsa uber. Aeroportdan mərkəzə gələndə iki və daha çox nəfərsinzisə adətən uber sərf edir. NY-da lyft taksi xidməti də var, amma uberdən bir az bahadır.

 

Otel, hostel, apartment hamısı bahadır. Səfərim apreldə olmuşdu, həmin vaxt üçün ən ucuz, reytinqsiz, şəhərin uzağında olan otelin iki nəfərlik otağı 130-150 dollar arası dəyişirdi. Həmişəki kimi köməyə airbnb gəldi. Brooklyn rayonunda  4 gecəsi 160 dollara ev içində otaq kiraylədim. Sterling metrosundan 5 dəqiqəlik məsafədə idi. Ev sahibi də möhtəşəm insan idi, bizə çox yardımçı oldu. Evin linki: https://www.airbnb.com/rooms/18703098

 

Nyu York və Bakı arasında 8 saat saat fərqi var. Bu bir tərəfdən yaxşıdır, çünki Bakıdan AZAL reysi ilə səhər saat 5-də çıxırsan, elə eyni gündə səhər saat 9:30-da çatırsan, yəni gün itirmirsən. Amma yuxu problemi olur, bunun həlli yolboyu yaxşı yatmaqdır. Əgər uçuşboyu yaxşı yatsanız problemi qısa zamanda həll edəcəksiniz. Bizdə belə oldu.

Gedən günü mərkəzə getmədik, evin ətrafında gəzdik, müvəqqəti məhləmizlə tanış olduq. Növbəti gün isə evdən çıxdıq, Prospect Parkın içi ilə keçməklə Brooklyn Bridge-ə  (Bruklin körpüsü) kimi piyada getdik. Ümumiyyətlə bu məndə həmişə belədir. Əgər mərkəzdən aralı qalıramsa bi gün mütləq mərkəzə piyada gedirəm. Piyada getməklə çoxlu yeni şeylər görə bilərsiniz. Brooklyn bridge olduqca möhtəşəm körpüdür. Qotik üslubunda tikilib. Havanın soyuq olmağı bir az narahatlıq verirdi. Növbəti gün isə möhtəşəm leysan yağdı 😀

 

Dörd gün ərzində Empire State Building, Times Square, Liberty Statue, Central Park, 9/11 Memorial və s. yerləri gəzdik.

Empire State Building-in yuxarı mərtəbəsinə çıxmaq ödənişlidir, 37 dollardan başlayır. Rəsmi: https://www.esbnyc.com/buy-tickets

Times Square 24 saat canlı meydandır, orda heç vaxt darıxmaq olmaz.

Liberty Statue getmək üçün bileti elə yerində ala bilərsiniz, 18.5 dollardır. Növbə və ciddi yoxlanış olur. Heykəlin tacına qalxmaq üçün növbə isə 3-4 aydır. Onu yalnız online ala bilərsiniz. Hazırda ən yaxın tarix sentyabrdır. Rəsmi: https://www.statuecruises.com/faq/purchasing-crown-tickets

 

Central Park əsrarəngiz yerdir. Oranı tam gəzmək üçün bütöv gün lazımdır.

9/11 Memorial Dünya ticarət mərkəzində olan terror qurbanlarına həsr olunmuş kompleksdir, muzeyi də var, pulludur, 35 USD.

Nyu Yorkdan geyim və ayaqqabı almaq üçün əla outletlər var, mən ikisində Macy’s və Marshalls-da oldum. Hər ikisində qiymətlər çox sərfəli idi, misal üçün Marshalls-da Levis’s cins şalvarını 25 dollara aldım. Həmçinin 60 dollara Ralph Lauren-dən ipək və yun materialdan tikilən pencək var idi 🙂

 

Əlbəttə ABŞ ağıla gələndə bahalı qiymətlər və s. ilk olaraq fikirdən keçir, amma hər yerdə olduğu kimi burda da ucuz qidalanmaq yerləri var. Özünəxidmət restoranlarında 1lb (453 qram) qida üçün 5-10 dollar arası ödəyib doyunca yeyə bilərsiniz. Həm Bruklində, həm də Manhetanda bu restoranlardan var, istifadə elədik kifayət qədər müxtəlif çeşidli salat, qarnir, toyuq, ət, balıq yeməkləri olur. Bir məsələni də deyim ki, Amerikada bir nəfərlik yemək payı çox böyük olur, normal qidalanan iki nəfər bir nəfərlik səhər yeməyi sifariş etsə iki nəfərə bəs edəcək.

Ümumilikdə düşünürəm ki, Nyu York mütləq görülməli şəhərlərdəndir. Hər şey kinolardakı kimidir, hətta mahnıdakı kimi – I’m Qazaxman in New York 🙂

 

Bloqumu sosial mediada izləyin:

Fb.com/Azikiss.Me

Instagram.com/Azikiss.Me

 

OXUYUN-PAYLAŞIN-PEŞƏKARLAŞIN

Advertisements

2 thoughts on “I’m Qazaxman in New York

  1. eger ucuz outletler axtarirsinizsa mutleq sheherden kenarda yerlesen woodbury-e gedin. woodbury outlet sheherciyidi ve qiymetler bezen meshhur brendler uchun chox ucuz olur. tanidiqiniz butun brendler bu shehercikde olacaq. city sightseeing de biletler 37$ dir woodburye roundtrip.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s